Дзяржаўная ўстанова культуры «Светлагорскі гісторыка-краязнаўчы музей»

Светлагорскі музей быў заснаваны 30 снежня 1978 г., а 5 лістапада 1979 г. Музей гісторыі горада атрымаў статус дзяржаўнай установы і расчыніў дзверы для наведвальнікаў. 1 лютага 2010 г. музей перайменаваны ў дзяржаўную ўстанову культуры "Светлагорскі гісторыка-краязнаўчы музей". Асноўная місія музея -збіраць, вывучаць, захоўваць і прапагандзіраваць гісторыка-культурную спадчыну Светлагорскага раёна. На першым паверсе ў 6-і экспазіцыйных залах шырока прадстаўлены тэмы: прырода і экалогія, археалогія і этнаграфія, Вялікая Айчынная вайна. Экспазіцыя другога паверха распавядае аб гісторыі прамысловага, сацыяльна-эканамічнага станаўлення Светлагоршчыны на сучасным этапе, закранае савецкі перыяд, раскрывае тэму воінаў-інтэрнацыяналістаў у зале, прысвечанай вайне ў Афганістане. Фонды музея налічваюць больш за 11 тысяч музейных прадметаў (2012). Сабраны багатыя калекцыі археалогіі, этнаграфіі, жывапісу, нумізматыкі, рэдкай кнігі і інш. Супрацоўнікі музея праводзяць аглядавыя і тэматычныя экскурсіі, музейныя заняткі, мерапрыемствы, удзельнічаюць у акцыях, ахопліваючы наведвальнікаў усіх ўзроставых катэгорый. Для людзей "трэцяга ўзросту" ў лютым 2010 г. пры Светлагорскім гісторыка-краязнаўчым музеі быў адкрыты клуб сяброў музея "Суразмоўнік". У сакавіку 2007 г, у н. п. Чыркавічы быў адкрыты філіял Светлагорскага гісторыка-краязнаўчага музея.
Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.